ART FAIR 2023 нээлтийн арга хэмжээ
2023.05.23-30 хүртэл уг арга хэмжээ зохиогдох болно.
Жил бүрийн 5 дугаар сарыг Дүрслэх Урлагийн сар болгон зарласан бөгөөд Монгол улсын Соёлын яам, Монголын Урчуудын Эвлэл хамтран зохион байгуулж буй “ART FAIR 2023” Дүрслэх урлагийн үзэсгэлэн, худалдааг анх удаа зохион байгуулж байна.
Дэлхийн хотуудын урлагийн 7 хоног буюу АРТВИЙК-г урлагийг хөгжүүлэх, урлагийн бүтээлч байдал, инноваци, соёлын олон талт байдлыг хөгжүүлж, түгээн дэлгэрүүлэх, мэдлэгээ хуваалцах зорилгоор тэмдэглэн өнгөрүүлдэг. Энэ хүрээнд ART FAIR 2023 буюу мэргэжлийн уран бүтээлчдийн дүрслэх урлагийн үзэсгэлэн, худалдаа нь улс нийтийг хамарсан өргөн хүрээнд зохион байгуулагдаж буй онцлогтой юм. Дүрслэх Урлагийн 7 хоногийн хүрээнд урлаг, уран бүтээл шимтэн сонирхдог үзэгч олон, уран бүтээлч, зураачдыг холбох гүүр болсон "Artfair 2023" үзэсгэлэн арга хэмжээ нээлтээ хийлээ. Зураач, уран бүтээлчидтэй танилцаж, ярилцах, таалагдсан бүтээлээ худалдан авах боломжийг энэхүү арга хэмжээ танд олгож байна.
#ArtFair2023 #Artweek #Uma #artweekulaanbaatar2023 #МонголынУрчуудынЭвлэл