.png)
Монголын Урчуудын Эвлэлийн гишүүн уран бүтээлч Д. Батжаргалын
“ТОГОС ХАНГАЙГААС ТЭНГЭР ЭЛС” үзэсгэлэн нээлтээ хийлээ.
Үзэсгэлэнг нээж энэхүү үзэсгэлэнгийн ерөнхий зохион байгуулагч, Түшдийн рашаан буддист кемпийн захирал Ж. Цогт- Очир
МУЭ-ийн ерөнхийлөгч А. Сонинбаяр
Урлаг судлаач доктор (Ph. D) Л. Хэрлэн
МУЭ-ийн гишүүн зураач Д. Батжаргал нар үг хэллээ.
Үзэсгэлэнд хөг нэмэн
Монгол Улсын Ардын жүжигчин Ч. Батсайхан
Монгол Улсын Ардын жүжигчин, уртын дуучин Д. Түвшинжаргал
МУСТА Ц. Насанбат, морин хуурч Л. Өлзийсайхан нар эгшиг аялгуун мэндчилгээ дэвшүүллээ.
Энэхүү үзэсгэлэн нь уран бүтээлчийн 36 жилийн туурвилын замнал,
байгаль эхийн уужим орон зай, өнгөний гүн мэдрэмж,
сэтгэлийн дотоод аяллыг нэгэн дор цогцлоосон
урлагийн онцгой орон зай юм.
Түүний бүтээлүүдэд, Хангайн сүр хүч, Тогосын гоо үзэсгэлэн, Тэнгэрийн уудам
элсний намуухан аялгуугаар нэгдэн амилна.
Монголын Урчуудын Эвлэлийн Арт галерей
2026.04.12 – 19
Нээлт: 2026.04.12 | 19:00
Ерөнхий зохион байгуулагч:
Түшдийн рашаан Буддист кэмп
Хамтран зохион байгуулагч:
Монголын Урчуудын Эвлэл
Та бүхнийг хүрэлцэн ирж уран бүтээлийн ертөнцөөр аялж, байгаль ба өнгөний гүн мэдрэмжийг хамтдаа мэдрэхийг урьж байна.
Дараагийн үзэсгэлэн
I'm a paragraph. Click here to add your own text and edit me. It's easy.
Монгол Улсын Засгийн газраас 2026 оныг “Боловсролыг дэмжих жил” болгон зарласан бөгөөд Монгол, Германы боловсролын салбарын хамтын ажиллагааны 100 жилийн ойн хүрээнд, ХБНГУ-ын Эссен хотын Дүрслэх урлагийн дээд сургууль (HBK Essen) болон Райнe хотын Бентлаге бар зургийн хэвлэх урлан-лабораторид (Druckvereinigung Bentlage e.V.) Монгол, Германы графикийн уран бүтээлчдийн хамтарсан солилцооны хөтөлбөрийг зохион байгуулж байна.
Графикийн зургаан монгол уран бүтээлч Эссен болон Райнe хотод байрлах бүрэн тоноглогдсон бар зургийн урланд торгон хэвлэл, төмөр бар, модон барын хэвлэлийн уламжлалт ажиллагаанд тулгуурлан бүтээл туурвин, хамтарсан үзэсгэлэн гаргах, мастер багш нарын удирдлага дор техник ажиллагааг өргөжүүлэн хөгжүүлж, суралцах боломж бүрдэж байгаад бид баяртай байна.
Сүлжилдээн: Хил Дамнасан Холбоосууд
Венецийн дүрслэх урлагийн олон улсын 61 дэх удаагийн биенналь дахь Монгол Улсын павильон
2026.5.9 - 2025.1122
Уран бүтээлчид: Г.Гэрэлхүү, Д.Дорждэрэм, Б.Номин, Ё.Төгөлдөр
61 дэх удаагийн Олон улсын Венецийн биенналь дахь Монголын павильон
Сүлжилдээн: Хил Дамнасан Холбоосууд нэртэй үзэсгэлэнг толилуулж байна. Куратор Ц.Урaнчимэг, Томас Эллер нарын дэвшүүлж буй энэхүү үзэсгэлэнгийн нэршил нь Евроазийн орон зайд бүрэлдсэн түүхэн, соёлын, оюун санааны олон давхар харилцан холбоо, огтлолцлыг илэрхийлж, солилцоо, зуучлалын үйл явц дахь монголчуудын түүхэн үүргийг онцлон харуулна. Өрнө ба Дорныг холбосон эртний гарцын үүргийг гүйцэтгэж ирсэн Венец хот нь өөрийн онцлог хөдөлгөөн, олон ургальч үзэл, хувирал өөрчлөлтийг суурь үнэт зүйлсээ болгосон Монголын нүүдэлч соёлын ертөнцийг үзэхүйтэй бэлгэдлийн түвшинд дүйцэх орон зай болж өгнө.
Монгол Улсыг тогтсон нэгэн газарзүйн ойлголтоор бус, энэхүү Павильон нь худалдаа, дипломат харилцаа, сүсэг бишрэл, уран сайхны солилцоогоор бүрэлдэн тогтсон холбогдлын хөдөлгөөнт орон зай хэмээн дахин төсөөлнө. Монголын эзэнт гүрний үе, Марко Пологийн аяллаас эхлэн өнөөгийн цаг үеийн нэн бодит сорилтууд хүртэлх түүхэн ба орчин цагийн нөхцөлийг харгалзан үзэхдээ, улс төрийн хуваагдал, экологийн хямрал, бэхлэгдсэн хил хязгаар давамгайлсан энэ үед Орооцолдоо (Entanglements) нь нүүдэл хөдөлгөөн, хамтран оршихуй, хүн болон хүн бус оршихуйн хоорондын харилцааг эргэцүүлэн авч үзэж, соёлын уян хатан чанар болон олон ургалч байдлын талаарх үзэл баримтлалыг дэвшүүлнэ.
Монголын павильон 2026 оны 5 дугаар сарын 9-нөөс 11 дүгээр сарын 22-ны хооронд үзэгчдэд нээлттэй байна.
Уран бүтээлчид: Г.Гэрэлхүү, Д.Дорждэрэм, Б.Номин, Ё.Төгөлдөр
Кураторууд: Ц.Уранчимэг, Томас Эллер
Монгол Улсын Соёл, спорт, аялал жуулчлал, залуучуудын яамны дэмжилэгтэйгээр
Хэвлэл мэдээл:
Нээлттэй сонгон шалгаруулалт
